پرانے شہر میں برقی بلوں کی وصولی کی ذمہ داری اڈانی گروپ کو دے دی جائے گی: ریونت ریڈی

حیدرآباد: چیف منسٹر ریونت ریڈی نے صحافیوں سے کہا کہ حیدرآباد کے پرانے شہر میں بجلی کی تقسیم کی ذمہ داری پائلٹ پروجیکٹ کے طور پر اڈانی گروپ کو سونپ دی جائے گی۔

 چیف منسٹر نے اس فیصلہ کی وجوہات بتاتے ہوئے کہا کہ پرانے شہر میں برقی بلوں کی صحیح ادائیگی نہیں کی جارہی ہے اور جب واجبات وصول کرنے جاتے ہیں تو برقی عملہ کو مارپیٹ کا سامنا کرنا پڑتا ہے۔

چیف منسٹر نے مبینہ طور پر کہا کہ پرانے شہر میں پائلٹ پروجیکٹ کے بعد، بتدریج حیدرآباد اور پھر ریاست بھر میں بجلی کی تقسیم کی ذمہ داری اڈانی گروپ کو سونپی جائے گی۔

 چیف منسٹر کے مطابق، اڈانی گروپ کی طرف سے جمع ہونے والی آمدنی کا  75  فیصد حکومت کو جائے گا، جبکہ باقی 25 فیصد اڈانی گروپ کو جائے گا۔ چیف منسٹر نے کہا کہ اڈانی گروپ نے حکومت کے شرائط سے اتفاق کیا ہے۔