اے ڈی بی بنگلہ دیش میں ڈھانچہ جاتی اصلاحات میں مدد کرے گا

ڈھاکہ: ایشیائی ترقیاتی بینک (اے ڈی بی) نے کہا ہے کہ وہ بنگلہ دیش میں اہم ڈھانچہ جاتی اصلاحات کے لیے عبوری حکومت کی کوششوں کی حمایت کرے گا۔

منیلا میں مقیم قرض دہندہ نے پریشان حال جنوبی ایشیائی معیشت کی مدد کرنے کی اپنی خواہش کا اظہار کیا ہے۔ اے ڈی بی جنوبی ایشیا کے ڈائرکٹر جنرل ٹیکو کونیشی کی قیادت میں ایک سینئر وفد نے اتوار کو ڈھاکہ میں بنگلہ دیشی حکومت کے چیف ایڈوائزر محمد یونس سے ملاقات کی۔

اے ڈی بی کے سینئر افسر نے کہا کہ بینک کی بنگلہ دیش میں کام کرنے کی ایک طویل تاریخ ہے اور وہ ملک میں اہم ڈھانچہ جاتی اصلاحات شروع کرنے کے لیے عبوری حکومت کی مدد کرنے کا خواہش مند ہے۔

یونس نے اے ڈی بی کے وفد کو بتایا کہ وہ گراؤنڈ زیرو پوزیشن میں ہیں۔

بنگلہ دیش میں اصلاحات کی کوششوں کے ایک حصے کے طور پر، یونس نے چہارشنبہ کو اعلان کیا کہ حکومت نے عدلیہ، انتخابی نظام، انتظامیہ، پولیس، انسداد بدعنوانی کمیشن اور آئین میں اصلاحات کے لیے چھ کمیشن بنانے کا فیصلہ کیا ہے۔