عادل آباد میں درجہ حرارت 39.8 ڈگری سیلسیس درج

حیدرآباد: محکمہ موسمیات نے کہا ہے کہ آئندہ 24گھنٹوں کے دوران تلنگانہ کے اضلاع عادل آباد، کومرم بھیم آصف آباد، منچریال، نرمل، نظام آباد، جگتیال، راجنا سرسلہ، کریم نگر، پداپلی، جئے شنکربھوپال پلی، مُلگ، بھدرادری کوتہ گوڑم، کھمم، نلگنڈہ، سوریہ پیٹ، یادادری بھونگیر، رنگاریڈی، حیدرآباد، میڑچل ملکاجگری، محبوب نگر، ناگرکرنول، ونپرتی، نارائن پیٹ اور جوگولامباگدوال میں بعض مقامات پر گرج وچمک کے ساتھ بارش کا امکان ہے۔

اپنی رپورٹ میں محکمہ موسمیات نے کہا کہ ریاست میں بعض مقامات پر ہلکی تا اوسط یا پھر گرج وچمک کے ساتھ بارش کا امکان ہے۔اعظم ترین درجہ حرارت میں امکان ہے کہ دو تا تین ڈگری کا اضافہ 11تا13مئی بعض مقامات پر ہوگا۔عادل آباد ضلع میں اعظم ترین درجہ حرارت 39.8ڈگری سلسیس درج کیاگیا۔