چیف سکریٹری اور ڈی جی پی کی پسماندہ طبقات کے قومی کمیشن کے صدرنشین سے ملاقات

حیدرآباد: تلنگانہ کی چیف سکریٹری شانتی کماری اور ڈی جی پی انجنی کمار نے پسماندہ طبقات کے قومی کمیشن کے صدرنشین ہنس راج گنگارام آہیر سے حیدرآباد کے ہریتا پلازہ میں ملاقات کی۔

اس ملاقات کے دوران شانتی کماری نے صدرنشین کو ریاست کے پسماندہ طبقات اور کمزور طبقات کے لئے عمل کی جانے والی فلاحی اسکیمات کی تفصیلات سے واقف کروایا۔

انہوں نے تلنگانہ میں اوبی سی طبقات کے لئے ریزرویشن اور ریزرویشن روسٹرپر عمل کے بارے میں بھی معلومات فراہم کیں۔راجیش کمارمشیر قومی کمیشن برائے پسماندہ طبقات بھی اس موقع پر موجود تھے۔