احتجاج کی دھمکی کے بعد بنگلہ دیشی ٹیم کو سیکوریٹی کی یقین دہرانی کرائی گئی
ہندو انتہا پسندوں کی جانب سے بنگلادیشی ٹیم کو دھمکیاں ملنے کے بعد جے شاہ نے سیکوریٹی فراہم کرنے کی یقین دہانی کرائی ہے۔
ممبئی:ہندو انتہا پسندوں کی جانب سے بنگلادیشی ٹیم کو دھمکیاں ملنے کے بعد جے شاہ نے سیکوریٹی فراہم کرنے کی یقین دہانی کرائی ہے۔
رپورٹس کے مطابق ہندوستانی کرکٹ بورڈ (بی سی سی آئی) سکریٹری جے شاہ نے بنگلادیش کو ہندو انتہا پسندوں کی جانب سے دھمکیاں ملنے کے بعد سخت سیکوریٹی فراہم کرنے کی یقین دہانی کروائی ہے۔
بنگلہ دیشی ٹیم کی حفاظت کے حوالے سے خدشات گزشتہ ماہ اس وقت سامنے آئے جب ہندو انتہا پسند تنظیم مہاسبھا دورے کی مخالفت کی اور اسٹیڈیم کے باہر احتجاج کرنے کی دھمکی دی۔ سابق وزیراعظم شیخ حسینہ واجد کی حکومت گرائے جانے کے بعد ہندو انتہا پسند جماعت نے الزام عائد کیا تھاکہ بنگلادیش میں ہندوؤں کو قتل اور ان کے گھر جلائے جارہے ہیں جبکہ بنگلادیش کی عبوری حکومت نے اِن دعوؤں کو بے بنیاد قرار دیاہے۔ واضح رہے کہ بنگلادیش کو ہندوستان کے خلاف پہلا ٹسٹ 19 ستمبر سے چینائی اور 27 ستمبر سے کانپور میں دوسرا ٹسٹ کھیلنا ہے۔
