ایجنٹوں کا دھوکہ، اے پی کے 5نوجوان یوروپ میں پھنس گئے

حیدرآباد: ایجنٹوں کے دھوکے کا شکار ہو کر یورپ میں پھنسے آندھراپردیش کے نوجوانوں نے ان کی واپسی کو یقینی بنانے کی ریاستی حکومت سے درخواست کی ہے۔

امو نامی نوجوان نے اس سلسلہ میں ویڈیو جاری کرتے ہوئے مسائل سے واقف کروایا۔

انہوں نے کہاکہ یہاں پر ملازمت نہیں ہے اور رقم نہ ہونے کی وجہ سے وہ سڑکوں پر رہنے کیلئے مجبور ہیں۔

انہوں نے کہاکہ ملازمت دلانے کا جھانسہ دے کر ہر نوجوان سے 5 لاکھ روپے لے کر یورپ میں لاکر انہیں چھوڑدیاگیا۔انہوں نے کہاکہ ویزاگ کے آٹو نگر میں اس ایجنسی نے ان کو دھوکہ دیا ہے۔

ان نوجوانوں کی شناخت وجے درگا، موہن، اکھل، رام بابو اور ونودکے طورپر کی گئی ہے۔