تلنگانہ میں شعبہ زراعت ایک انقلاب بن گیا: نرنجن ریڈی

حیدرآباد: تلنگانہ کے وزیر زراعت نرنجن ریڈی نے کہا ہے کہ ملک میں سبز انقلاب بھوک مٹانے کے لیے آیا تھا، آج تلنگانہ میں شعبہ زراعت ایک انقلاب بن گیا ہے۔

 تلنگانہ ریاست کی تشکیل کے دس سال کی تقریب کے ایک حصہ کے طور پر، وزیر موصوف نے یوم کسان کے سلسلہ میں راجندر نگر آچاریہ جے شنکر زرعی یونیورسٹی کے آڈیٹوریم میں منعقدہ ریاستی سطح کے جشن کے پروگرام میں مہمان خصوصی کے طورپر شرکت کی۔

انہوں نے تقریب سے خطاب کرتے ہوئے کہاکہ تشکیل تلنگانہ کے بعد تلنگانہ نے زراعت کے شعبہ میں بڑے پیمانہ پر ترقی کی ہے۔