مسجد اخوندجی کے مقام پر رمضان میں عبادت کی اجازت سے انکار

نئی دہلی: دہلی ہائی کورٹ نے مہرولی کی حال میں ڈھائی گئی مسجد اخوندجی کے مقام پر مقدس ماہ ِ رمضان کے دوران عبادت کی اجازت دینے سے انکارکردیا۔

جسٹس سچن دتہ نے انتظامی کمیٹی مدرسہ بحرالعلوم و قبرستان کی درخواست خارج کردی اور کہا کہ ہائی کورٹ نے گزشتہ ماہ شب ِ برأت کے موقع پر وہاں داخلہ کی اجازت نہیں دی تھی۔

600 سال پرانی مسجد اخوندجی اور مدرسہ بحرالعلوم کو دہلی ڈیولپمنٹ اتھاریٹی(ڈی ڈی اے) نے سنجے وَن میں غیرقانونی قراردیتے ہوئے 30جنوری کو ڈھادیا تھا۔