کھیل

آسٹریلیا میں تمام آئی سی سی ٹورنامنٹس ایمیزون پرائم ویڈیو پر نشر کئے جائیں گے

ایمیزون پرائم ویڈیو نے آسٹریلیا میں مردوں اور خواتین کے انٹرنیشنل کرکٹ کونسل (آئی سی سی) کے تمام ٹورنامنٹس کے نشریاتی حقوق حاصل کر لیے ہیں۔

دبئی: ایمیزون پرائم ویڈیو نے آسٹریلیا میں مردوں اور خواتین کے انٹرنیشنل کرکٹ کونسل (آئی سی سی) کے تمام ٹورنامنٹس کے نشریاتی حقوق حاصل کر لیے ہیں۔

متعلقہ خبریں
عثمان خواجہ، سیاہ پٹی پر آئی سی سی کے فیصلہ کو چالینج کریں گے
آئی سی سی رینکنگ: اشون ٹسٹ بولرس کی رینکنگ میں پہلے مقام پر
غزہ میں فلسطینیوں کی تائید میں خواجہ نے بازو پر سیاہ پٹی باندھی، آئی سی سی کی سرزنش
جئے شاہ، اشرف نے ایشیا کپ شیڈول کوقطعیت دے دی
ہندوستانی بورڈ نے ورلڈکپ شیڈول آئی سی سی کو بھیج دیا، حیدرآباد میں کوئی میاچ نہیں ہوگا!

فاکس ٹیل/ کایو نے حالیہ ایک روزہ ورلڈ کپ نشر کیا، جبکہ نائن نیٹ ورک نے آسٹریلیا کے کھیلوں اور کچھ دوسرے میچوں کی اسکریننگ کی۔ اس نئی شراکت داری کے تحت کوئی نشریات فری ٹو ایئر نہیں کی گئی ہیں۔

آسٹریلیا میں مردوں/خواتین کے ہوم ٹیسٹ اور تمام بین الاقوامی میچز سیون کے ساتھ فری ٹو ایئر دستیاب رہیں گے لیکن مردوں کے وائٹ بال کے بین الاقوامی میچز فوکس ٹیل کے ساتھ ہیں۔ 2027 اور 2031 میں مردوں کی ایشز سیریز نائن نیٹ ورک پر نشر کی جائیں گی۔

یہ فیصلہ وفاقی حکومت کی جانب سے کھیلوں میں اینٹی سیفوننگ اقدامات کے عزم کا اعادہ کرنے کے چند دن بعد آیا ہے۔ وزیر مواصلات مائیکل رولان نے گزشتہ ہفتے پارلیمنٹ میں قانون سازی متعارف کرائی جس کا مقصد اینٹی سیفوننگ اقدامات کرنا تھا۔

رولینڈ نے کہاکہ "تمام آسٹریلوی، چاہے وہ کہیں بھی رہتے ہیں انہیں کھیلوں کے مشہور ایونٹس کی مفت ٹی وی کوریج سے لطف اندوز ہونے کا موقع ملنا چاہیے۔”

آئی سی سی کے سربراہ جیوف ایلارڈائس نے ایمیزون کے ساتھ معاہدے کا خیرمقدم کرتے ہوئے ایک بیان میں کہاکہ "ہم آسٹریلیا میں آئی سی سی کرکٹ کے حقوق کے لیے پرائم ویڈیو کے ساتھ ایک نئی چار سالہ شراکت میں داخل ہونے کے لیے بہت پرجوش ہیں۔”

انہوں نے کہاکہ “حال ہی میں ختم ہونے والے مینز ورلڈ کپ نے دنیا بھر میں اور خاص طور پر آسٹریلیا میں آئی سی سی ایونٹس کی طرف دلچسپی اور جذبے کو اجاگر کیا ہے، جہاں کرکٹ کے شائقین نے اپنی مردوں اور خواتین کی ٹیموں کی حالیہ کامیابیوں سے لطف اندوز ہوئے ہیں۔