مجلس پر ایک پھر اعتماد، عوام سے اسدالدین اویسی کااظہار تشکر

حیدرآباد: اے آئی ایم آئی ایم کے سربراہ اسدالدین اویسی نے تلنگانہ اسمبلی کے انتخابات میں پارٹی کے 7 امیدواروں کو کامیابی سے ہمکنار کرانے پر عوام کا شکریہ ادا کیا۔

سوشیل میڈیا کے پلاٹ فام ایکس پر پوسٹ کرتے ہوئے انہوں نے کانگریس پارٹی کو مبارکباد دی جو ریاست میں حکومت تشکیل دینے جاری ہے۔

انہوں نے تحریر کیا کہ وہ حیدرآباد کے عوام کے مشکور ہیں جنہوں نے ایک بار پھر مجلس پر اعتماد کرتے ہوئے 7 حلقوں سے پارٹی امیدواروں کو کامیاب بنایاہے۔

انہوں نے کہاکہ انشا اللہ ہم بنیادی سطح پر کام کریں گے اور مجلس کو مزید آگے لے جائیں گے۔

انہوں نے جانفشانی سے کام کرنے پر پارٹی کارکنوں اور قائدین سے بھی اظہار تشکر کیا۔

اویسی نے کہاکہ میری نیک تمنائیں کانگریس کے ساتھ ہیں۔ مجلس ایک تعمیری اپوزیشن کا رول ادا کرے گی۔ مجلس اتحاد المسلمین‘ روایتی گڑھ پرانے شہر پر اپنا دبدبہ برقرار رکھا اور پارٹی کے 7 امیدواروں نے کامیابی حاصل کی ہے۔