حیدرآباد میں کل ہند صنعتی نمائش جاری۔2400 سے زائد اسٹالس لگائے گئے
15 فروری تک جاری رہنے والی اس نمائش میں ملک بھر سے آئے ہوئے تاجروں نے تقریباً 2400 سے زائد اسٹالس لگائے ہیں، جہاں کشمیر کے گرم ملبوسات، لکھنؤ کی چکن کاری، راجستھان کی دستکاری اور سہارنپور کے فرنیچر سمیت جدید الکٹرانک اشیاء اور گھریلو ساز و سامان دستیاب ہے۔
حیدرآباد: حیدرآباد کی تاریخی اور ثقافتی پہچان، 85 ویں کل ہند صنعتی نمائش 2026 نامپلی کے نمائش گراؤنڈ میں اپنی پوری آب و تاب کے ساتھ جاری ہے۔
یکم جنوری 2026 کو تلنگانہ کے نائب وزیر اعلیٰ بھٹی وکرامارکا کے ہاتھوں افتتاح کے بعد سے یہ میلہ لاکھوں افرادکی توجہ کا مرکز بنی ہوئی ہے۔
15 فروری تک جاری رہنے والی اس نمائش میں ملک بھر سے آئے ہوئے تاجروں نے تقریباً 2400 سے زائد اسٹالس لگائے ہیں، جہاں کشمیر کے گرم ملبوسات، لکھنؤ کی چکن کاری، راجستھان کی دستکاری اور سہارنپور کے فرنیچر سمیت جدید الکٹرانک اشیاء اور گھریلو ساز و سامان دستیاب ہے۔
نمائش کے اوقات کار عام دنوں میں شام چار بجے سے رات ساڑھے دس بجے تک رکھے گئے ہیں۔
انتظامیہ نے سیکیورٹی کے سخت انتظامات کے تحت پورے گراؤنڈ کی سی سی ٹی وی کیمروں سے نگرانی کی جا رہی ہے۔
یہاں آنے والوں کی سہولت کے لئے حیدرآباد میٹرو ریل نے بھی اضافی ٹرینیں چلانے کا اعلان کیا ہے تاکہ نامپلی اور گاندھی بھون اسٹیشنوں پر مسافروں کو آمد و رفت میں دشواری نہ ہو۔ اس وقت نمائش گراؤنڈ میں نہ صرف تجارتی سرگرمیاں عروج پر ہیں بلکہ روزانہ کی بنیاد پر ثقافتی پروگرام اور فوڈ کورٹس میں لذیذ حیدرآبادی پکوان بھی لوگوں کی دلچسپی کا باعث بنے ہوئے ہیں۔
