امول ٹی-20 ورلڈ کپ میں امریکی ٹیم کا بنیادی اسپانسر ہوگا

آنند: ہندوستانی دودھ کی مصنوعات بنانے والی کمپنی امول مردوں کے ٹی 20 ورلڈ کپ 2024 میں امریکی ٹیم کی بنیادی اسپانسر بن گئی ہے۔

سرکاری ذرائع نے ہفتہ کو یہاں بتایا یو ایس اے کرکٹ کے صدر وینو پسیکے نے امول کے بنیادی اسپانسر بننے پر خوشی کا اظہار کیا ہے۔

وین پسیکے نے کہا، "ہم امول کو آئی سی سی کرکٹ ٹی 20 ورلڈ کپ 2024 کے لیے مرکزی اسپانسر کے طور پر شامل کرنے پر خوش ہیں۔ کرکٹ ٹیموں کو اسپانسر کرنے کا امول کا وسیع ٹریک ریکارڈ ٹیلنٹ کو پروان چڑھانے، اسپورٹس مین شپ کی حوصلہ افزائی اور عالمی سطح پر کمیونٹیز کو متحد کرنے کے لیے امول کے عزم کو واضح کرتا ہے۔

امول کی یہی وابستگی ہمیں میدان میں اور باہر بہترین کارکردگی کے لیے جدوجہد کرنے کی ترغیب دیتی ہے۔”

اس موقع پر بات کرتے ہوئے امول کے منیجنگ ڈائریکٹر جین مہتا نے کہا، "دودھ دنیا کا اصل انرجی ڈرنک ہے اور اسے پوری دنیا کے کھلاڑی استعمال کرتے ہیں۔ امول کی مصنوعات جیسے مکھن، گھی، آئس کریم اور شریکھنڈ امریکہ میں 25 سال سے زیادہ عرصے سے کھائے جا رہے ہیں۔

اب ہمیں یہ اعلان کرتے ہوئے خوشی ہو رہی ہے کہ امول تازہ دودھ پورے امریکہ میں شروع کیا جا رہا ہے۔ امول دودھ کی خوبی امریکی کرکٹ ٹیم کو پوری دنیا میں دل اور تعریف جیتنے کی طاقت دے گی۔ ہم ٹیم کو آئندہ آئی سی سی ٹی 20 ورلڈ کپ 2024 کے لیے نیک خواہشات کا اظہار کرتے ہیں۔

انہوں نے بتایا کہ آئی سی سی کا باوقار ٹورنامنٹ یکم جون کو ڈیلاس، ٹیکساس میں امریکہ اور کینیڈا کے درمیان افتتاحی میچ سے شروع ہوگا۔ امریکہ کی ٹیم پہلی بار اس عالمی چیمپئن شپ میں کھیلے گی اور امریکہ بھی آئی سی سی کے اس بڑے ایونٹ کے شریک میزبان کے طور پر شرکت کرے گا۔