ٹریفک پولیس ملازمین پر شرابی کے حملہ کی کوشش

حیدرآباد: حالت نشہ میں ایک شخص نے ہفتہ کی رات شہرحیدرآباد کے چمپاپیٹ میں حالت نشہ میں گاڑیاں چلانے والوں کے خلاف چلائی گئی مہم کے دوران ٹریفک پولیس ملازمین پر حملہ کرنے کی کوشش کی۔

یہ شخص اسکوٹر چلا رہا تھا جب میرچوک پولیس کی ایک ٹیم جو یہ مہم انجام دے رہی تھی نے اسے چمپاپیٹ پر روکا۔ بریتھ لائزر ٹسٹ سے تصدیق ہوئی کہ وہ شراب کے نشہ میں تھا۔

جب پولیس نے گاڑی کوضبط کرنے کی کوشش کی تو اس نے سڑک پر ہنگامہ آرائی کی اور پولیس ملازمین پر حملہ اورگاڑی کو آگ لگانے کی کوشش کی۔

ٹریفک پولیس بالآخر گاڑی کو ضبط کرکے پولیس اسٹیشن پہنچانے میں کامیاب ہو گئی۔ اس شخص کے خلاف شراب پی کر گاڑی چلانے کا مقدمہ درج کر لیا گیا۔