آندھراپردیش اسمبلی انتخابات، تلگودیشم کی دوسری فہرست جاری

حیدرآباد: آندھراپردیش کی اصل اپوزیشن تلگودیشم پارٹی نے ریاستی اسمبلی انتخابات کیلئے اپنے 34امیدواروں پر مشتمل دوسری فہرست جاری کردی ہے۔قبل ازیں پارٹی نے 94امیدواروں پر اپنی پہلی فہرست کا اعلان کیا تھا۔

تلگودیشم پارٹی نے بی جے پی، جناسینا کے ساتھ اتحاد کیا ہے۔نشستوں کی تقسیم کے معاہدہ کے مطابق تلگودیشم پارٹی لوک سبھا کے 17حلقوں اوراسمبلی کے 114حلقوں پر مقابلہ کرے گی۔

 جبکہ بی جے پی 6لوک سبھا حلقوں و 10اسمبلی حلقوں پرمقابلہ کرے گی۔اس اتحاد کی ایک اور شریک پارٹی جناسینا بقیہ نشستوں پر مقابلہ کرے گی۔