عرب امارات میں رمضان میں کھانے پینے کی اشیا پر 75 فیصد رعایت کا اعلان

ابو ظہبی: متحدہ عرب امارات میں رمضان المبارک کے دوران اشیائے خور و نوش کی قیمتوں میں بڑی کمی کردی گئی۔ متحدہ عرب امارات کے اسٹورز نے رمضان المبارک کے لیے 10 ہزار اشیا کی قیمتوں میں 75 فیصد کمی کا اعلان کیا ہے۔

رمضان میں سپر مارکیٹس لوگوں کو کھانے پینے کی اشیا سمیت روز مرہ استعمال کی چیزوں کی قیمت پر 75 فیصد رعایت دیں گے، بچت اسکیموں سے آن لائن بھی فائدہ اٹھایا جا سکے گا۔

ماہ مبارک میں اشیا کی طلب میں اضافے کو پورا کرنے کے لیے اسٹاک کو بھی 15 فیصد بڑھا دیا گیا ہے۔ صارفین کو زیادہ سے زیادہ فائدہ پہنچانے کے لیے مختلف بچت اسکیمز اور خصوصی ڈسکاؤنٹس متعارف کروائے گئے ہیں۔