تلنگانہ میں ایک اور پرائیویٹ ٹراویلس کی بس شعلہ پوش،جان بچانے بعض مسافرین نے کھڑکیاں توڑ کر باہر چھلانگ لگا دی

حیدرآباد: تلنگانہ ریاست میں ایک اور بڑا حادثہ پیش آیا۔ تازہ واقعہ میں ایک اور ٹراویلس کی بس آگ کی لپیٹ میں آگئی۔

اطلاعات کے مطابق وجے واڑہ۔حیدرآباد ہائی وے 65 پر ضلع نلگنڈہ کے چٹیال منڈل کے پٹم پلی کے قریب وہاری پرائیویٹ ٹراویلس کی بس میں اچانک آگ بھڑک اٹھی۔

بتایا جا رہا ہے کہ بس میں اچانک شعلے بھڑکنے پر ڈرائیور فوراً چوکس ہوگیا اور مسافروں کو باہر نکالنے کی کوشش شروع کردی۔اسی دوران بعض مسافروں نے بس کی کھڑکیاں توڑ کر باہر چھلانگ لگا دی۔

چند ہی لمحوں میں بس مکمل طور پر جل کر خاکستر ہوگئی۔ یہ حادثہ اس وقت پیش آیا جب بس حیدرآباد سے نیلور جا رہی تھی۔اس واقعہ کے وقت بس میں جملہ29 مسافر سوار تھے۔

خوش قسمتی سے تمام مسافر محفوظ رہے جس پرتمام نے راحت کی سانس لی۔