اے پی: ضلع گنٹور میں اسہال سے 180افرادمتاثر

حیدرآباد: اے پی کے ضلع گنٹور کی کلکٹر تمیم انصاری نے کہا ہے کہ گزشتہ دو ہفتوں کے دوران تقریباً 180 افراد اسہال سے متاثر ہوئے ہیں جس کے پیش نظر ضلع انتظامیہ کو الرٹ کردیا گیا ہے۔

انہوں نے کہا کہ گورنمنٹ جنرل اسپتال(جی جی ایچ) میں خصوصی وارڈ قائم کرکے متاثرین کو بہتر علاج فراہم کیا جارہا ہے۔ اسہال کے کیس درج ہونے والے 9 علاقوں کو ہاٹ اسپاٹ قرار دیتے ہوئے طبی کیمپس کے ساتھ کنٹرول اقدامات شروع کئے گئے ہیں۔

کلکٹر نے کہا کہ عوام کو محفوظ پینے کا پانی اور غیر آلودہ غذافراہم کرنے کے لئے احتیاطی اقدامات کئے جارہے ہیں۔ انہوں نے مزید کہا کہ ہیضہ پھیلنے کے بارے میں افواہوں پر یقین نہ کیا جائے۔