اے پی:سڑک حادثہ کے بعد لاری، بائیک کو 20کلومیٹر گھسیٹ کر لے گئی

حیدرآباد: آندھراپردیش کے ضلع ایلورو میں پیش آئے سڑک حادثہ کے بعد بائیک کولاری تقریبا 20کلومیٹر تک گھسیٹ کر لے گئی۔

یہ حادثہ ضلع کے کویالاگوڈم علاقہ میں کل شب اُس وقت پیش آیا جب ایک لاری نے بائیکس کو ٹکر دے دی۔حادثہ کے بعد بائیک کوتقریبا 20کلومیٹر تک گھسیٹ کر لے جانے کے نتیجہ میں اس بائیک کو شدید نقصان پہنچا۔

پولیس کے مطابق کل شب بعض افراد نے اپنی بائیکس کو کوئل گوڑم کی قومی شاہراہ کی ایک ہوٹل کی سڑک کے کنارے ٹہرایا۔

اسی وقت ایک تیزرفتار کے ساتھ پہنچی لاری ان بائیکس پر گھس پڑی۔اس حادثہ میں ایک بائیک سوارمعمولی زخمی ہوگیا۔تیز رفتارلاری وہاں رکھی بائیکس میں سے ایک بائیک کو گھسیٹ کر تقریبا 20کلومیٹر تک لے کر چلی گئی۔

کوئل گوڑم پولیس کی اطلاع پر مشرقی گوداوری ضلع کی دیورپلی پولیس نے چوکسی کامظاہرہ کیا اور کوئل گوڑہ سے تقریبا 20کلومیٹر کی دوری پر واقع دیورپلی ڈائمنڈ جنکشن کے قریب لاری کو روکنے میں کامیابی حاصل کرلی اور لاری کے ڈرائیو رکو حراست میں لے لیا۔

پولیس نے اس سلسلہ میں ایک معاملہ درج کرکے جانچ شروع کردی۔