اے پی: لاری اور ٹریکٹر کاتصادم۔ 4 افرادہلاک

حیدرآباد: آندھراپردیش کے ضلع کوناسیما میں پیش آئے سڑک حادثہ میں 4افرادہلاک اوربیشتردیگر زخمی ہوگئے۔

یہ حادثہ منگل کی شب ضلع کے اوڈی منڈی گاوں کے قریب اُس وقت پیش آیا جب تیز رفتار بس کے ڈرائیور نے اس کا توازن کھودیا اوریہ بس ٹریکٹر سے ٹکراگئی۔

عینی شاہدین کے مطابق آرٹی سی بس، ٹریکٹر سے ٹکراگئی جس میں مزدورسوارتھے۔

یہ حادثہ اتنا خطرناک تھا کہ تین افرادموقع پر ہی ہلاک ہوگئے جبکہ ایک شخص کی موت اسپتال میں علاج کے دوران ہوگئی۔

زخمیوں کو علاج کے لئے کوتہ پیٹ کے سرکاری اسپتال منتقل کردیاگیا۔مہلوکین کی شناخت 35سالہ این سیوا،50سالہ سوریہ پرکاش،45سالہ وی کٹلیا اورسی پانڈا کے طورپر کی گئی ہے۔