اے پی:اسپتال سے نوزائیدہ کے اغوا کامعاملہ حل، خاتون گرفتار

حیدرآباد: آندھراپردیش کے گورنمنٹ جنرل اسپتال گنٹور سے نوزائیدہ کے اغوا کے معاملہ کو حل کرتے ہوئے پولیس نے اغوا میں ملوث خاتون کو پکڑلیا اور اس نوزائیدہ کو اس کی ماں کے حوالے کردیا۔

ذرائع کے مطابق پولیس نے سی سی ٹی وی فوٹیج کی بنیاد پر نرسا راوپیٹ منڈل کے اپلاپاڈو میں اغوا کرنے والی خاتون کو پکڑنے میں کامیابی حاصل کی۔

بعد ازاں اس نوزائیدہ کو اس کی ماں کے حوالے کرنے سے پہلے اس کے طبی معائنے بھی کئے گئے۔ اسپتال کے سپرنٹنڈنٹ کرن کمار نے نوزائیدہ کے والدین کے ساتھ پولیس کا شکریہ ادا کیا۔

واضح رہے کہ اس نوزائیدہ کی اسپتال سے اغوا کی واردات پیش آئی تھی جس کے بعد اس کی ماں نے پولیس سے اس کی شکایت کی تھی۔