تلنگانہ : اسپتال میں پیدا بیٹی کو دیکھنے کے بعد گھرواپسی کے دوران سڑک حادثہ۔ایک شخص ہلاک

حیدرآباد: بیٹی کی پیدائش پر اس کو پہلی مرتبہ دیکھنے کے بعد گھرواپس ہونے کے دوران پیش آئے سڑک حادثہ میں ایک شخص ہلاک ہوگیا۔

یہ حادثہ تلنگانہ کے ضلع میدک کے توپران میں پیش آیا۔تفصیلات کے مطابق کچرام گاوں کے رہنے والے وجئے کی بیوی مونیکا نے دو دن پہلے بیٹی کو جنم دیا۔

وجئے توپران کے سرکاری اسپتال میں اپنی نوزائیدہ بیٹی کو دیکھ کر موٹرسائیکل پر گھرواپس ہورہاتھا کہ منوہرآبادمیں ڈیوائیڈرپر گاڑی کو موڑنے کے دوران ڈی سی ایم وین نے اس کی گاڑی کو ٹکر دے دی۔

اس حادثہ میں وجئے موقع پر ہی ہلاک ہوگیا لیکن اس کا دوست جو اس کے ساتھ گاڑی پرسوارتھا، معمولی زخمی ہوگیا۔

لاش کو پوسٹ مارٹم کے لئے توپران کے سرکاری بھیج دیاگیا ہے جہاں وجئے کی بیوی داخل ہے۔ایک ہی اسپتال میں باپ کی لاش اورنوزائیدہ کو دیکھ کررشتہ داراشکبار ہوگئے۔