آندھراپردیش
اے پی:تروملامیں چھٹواں تیندوا پکڑاگیا
آندھراپردیش کے تروپتی میں محکمہ جنگلات کے عہدیداروں نے بدھ کی صبح ایک اور تیندوے کو پکڑا۔اس طرح عہدیداروں کی جانب سے پکڑے گئے تیندووں کی تعداد 6ہوگئی۔
حیدرآباد: آندھراپردیش کے تروپتی میں محکمہ جنگلات کے عہدیداروں نے بدھ کی صبح ایک اور تیندوے کو پکڑا۔اس طرح عہدیداروں کی جانب سے پکڑے گئے تیندووں کی تعداد 6ہوگئی۔
عہدیداروں نے کہاکہ اس تیندوے کو نرسمہاسوامی مندرکے قریب اس مقام سے پکڑاگیا جہاں پر ایک تیندوے نے گذشتہ ماہ کم عمر لڑکے پر حملہ کردیا تھا جس کے نتیجہ میں اس کی موت ہوگئی تھی۔
اس تیندوے کو زوپارک منتقل کیاجارہا ہے۔محکمہ جنگلات کے عہدیداروں نے مندر کو جانے کے پہاڑی علاقہ میں کئی تیندووں کے نظرآنے کے بعد گذشتہ ماہ آپریشن تیندوے کی شروعات کی تھی۔
محکمہ جنگلات کے عہدیداروں نے تقریبا 300کیمرے لگائے ہیں تاکہ جنگلی جانوروں کی نقل وحرکت کا پتہ چلایاجاسکے۔
پیر کو محکمہ جنگلات کے عہدیداروں نے ایک تیندوے کو ریزروفاریسٹ میں چھوڑاتھا جبکہ ایک اور تیندوے کو زوپارک منتقل کردیاگیاتھا۔
ہمیں فالو کریں
