اے پی: سب اسٹیشن میں ٹرانسفارمر زوردار آوازسے پھٹ پڑا۔30مواضعات کی بجلی سپلائی متاثر

حیدرآباد: آندھراپردیش کے ضلع اننت پورکے گُتی سب اسٹیشن کے قریب بڑے پیمانہ پر آگ لگ گئی۔

کل شب بجلی کے سب اسٹیشن میں ٹرانسفارمر زوردار آوازسے پھٹ پڑاجس پر فوری طورپر چوکس محکمہ بجلی کے عہدیداروں نے فائربریگیڈ کے عملہ کو اس بات کی اطلاع دی اور فائربریگیڈ کے عملہ نے وہاں پہنچ کر آگ پر قابو پایا۔

سب اسٹیشن میں آگ کے اس واقعہ کے نتیجہ میں تقریبا 30دیہاتوں میں بجلی کی سپلائی متاثر ہوئی اور عوام کو مشکلات کا سامناکرناپڑا۔

عہدیداروں کی جانب سے بجلی کی سپلائی کو بحال کرنے کے اقدامات کئے جارہے ہیں۔اس واقعہ میں کسی بھی جانی نقصان یا پھر کسی کے جھلسنے کی کوئی اطلاع نہ ملنے پر عہدیداروں نے راحت کی سانس لی۔

البتہ اس واقعہ میں مالی نقصان کا اندازہ لگایاجارہا ہے۔