پرچہ لیک معاملہ، ملزمین کے خلاف عنقریب چارج شیٹ کا ادخال

حیدرآباد: حیدرآباد پولیس کی اسپیشل انوسٹی گیشن ٹیم (ایس آئی ٹی) جو تلنگانہ پبلک سرویس کمیشن کے امتحانی سوریہ پرچہ افشا معاملہ کی تحقیقات کررہی ہے، توقع ہے کہ بہت جلد اس کیس میں چارج شیٹ داخل کرے گی۔ ایس آئی ٹی نے تاحل31مارچ سے اس کیس میں جملہ50 افراد کو گرفتار کرلیا ہے۔

 ان میں پبلک سرویس کمیشن چند ملازمین، امیدوار اور افراد شامل ہیں۔ ان پر پبلک سرویس کمیشن کے دفتر سے ڈاٹا کا سرقہ کرنے اسسٹنٹ انجینئرس (سیول) کے علاوہ کمیشن کے دیگر امتحانات کے سوالات کے پرچوں کو افشا کے معاملہ میں ملوث ہونے کا الزام ہے۔

 ان میں چند ملزمین ضمانت پر رہا ہیں۔ لیگل اوپنین حاصل کرلیا گیا ہے۔ ایک یا دو دنوں کے اندر چارج شیٹ پیش کئے جانے کی امید ہے۔ ایس آئی ٹی کے ایک سینئر عہدیدار نے پی ٹی آئی کو یہ بات بتائی۔

جب ان سے یہ پوچھا گیا کہ کتنے ملزمین کے خلاف چارج شیٹ پیش کی جائے گی تو عہدیدار نے بتایا کہ اس کے بارے میں حتمی شکل دی جارہی ہے۔ عہدیدار نے مزید بتایا کہ ہم مضبوط شواہد حاصل کررہے ہیں ان میں ملزمین کے خلاف فارنسک ثبوتوں کے ساتھ پرچہ سوالات کے افشا کے تبادلہ پر رقمی معاملت کے ثبوت اکھٹا کئے جارہے ہیں۔