حیدرآباد

تلنگانہ: کار سے 50کلوگانجہ ضبط۔ ایک شخص گرفتار

تلنگانہ کے ضلع رنگاریڈی کے شمس آباد کے قریب حالت نشہ میں گاڑیاں چلانے والوں کے خلاف چلائی گئی مہم کے دوران بڑے پیمانہ پر گانجہ ضبط کرلیاگیا۔

حیدرآباد: تلنگانہ کے ضلع رنگاریڈی کے شمس آباد کے قریب حالت نشہ میں گاڑیاں چلانے والوں کے خلاف چلائی گئی مہم کے دوران بڑے پیمانہ پر گانجہ ضبط کرلیاگیا۔

متعلقہ خبریں
ماہ صیام کا آغاز، مرکزی رویت ہلال کمیٹی کا اعلان
کابینہ میں نظام آباد، حیدرآباد اور رنگاریڈی سے نمائندگی صفر
سونے کی اسمگلنگ 3 افراد ایرپورٹ پارکنگ سے گرفتار
41 برسوں کے بعد کسی وزیراعظم کا دورہ عادل آباد
تلنگانہ میں ٹی ایس کے بجائے ٹی جی استعمال کی ہدایت، احکام جاری

ایرپورٹ پولیس اسٹیشن کے حدود میں کل شب پولیس کی جانب سے چلائی گئی اس مہم کے دوران حالت نشہ میں گاڑی چلانے والے شخص کو پکڑاگیا۔

پولیس نے اس کی کار کی تلاشی لی جس میں 50کلوگانجہ ضبط کیاگیا۔ یہ کارمہاراشٹراکے نمبرپلیٹ کی تھی۔

پولیس نے اس شخص کو حراست میں لے لیا جبکہ اس کے مزید دو ساتھی فرارہونے میں کامیاب رہے۔

پولیس اس سے پوچھ گچھ کررہی ہے تاکہ یہ پتہ چلایاجاسکے کہ یہ گانجہ کس کی ایما پر کہاں منتقل کرنے کی کوشش کی جارہی تھی۔