ایران میں حکومت کی پہلی خاتون ترجمان کا تقرر

تہران: ایک خاتون نئی ایرانی حکومت کا عوامی چہرہ ہوں گی۔ فاطمہ مہاجرانی کو مسعود پزشکیان حکومت کی ترجمان مقرر کیا گیا ہے۔

صدر نے یہ تقرر چہارشنبہ کے دن کابینی اجلاس میں کیا۔ 54 سالہ فاطمہ مہاجرانی نے اڈنبرگ سے ڈاکٹر آف بزنس اڈمنسٹریشن کی ڈگری لی ہے۔

وہ سابق میں ٹیکنیکل اینڈ ووکیشنل ٹریننگ یونیورسٹی آف شریعتی (برائے نسواں) کی ہیڈ رہ چکی ہیں۔

سینئر عہدہ پر کسی خاتون پر یہ تازہ تقرر ہے۔ گزشتہ ہفتہ صدر پزشکیان نے شینا انصاری کو ایران کی نائب صدر اور محکمہ ماحولیات کی سربراہ مقرر کیا تھا۔