اے آر رحمن لتا- دینا ناتھ منگیشکر ایوارڈ سے سرفراز
اے آر رحمن کو یہ اعزاز 24 اپریل کو لتا منگیشکر کے والد اور موسیقی کے لیجنڈ دیناناتھ منگیشکر کے یادگار دن پر دیا گیا ۔
ممبئی: معروف بالی ووڈ موسیقار اے آر رحمن کو لتا دینا ناتھ منگیشکر ایوارڈ سے نوازا گیا۔ منگیشکر خاندان نے لتا منگیشکر کی یاد میں سال 2022 میں لتا دیناناتھ منگیشکر ایوارڈ قائم کیا تھا، لتا دیناناتھ منگیشکر ایوارڈ ہر سال ایسے فرد کو دیا جاتا ہے جس نے ملک، اس کے لوگوں اور معاشرے کے لیے نمایاں خدمات انجام دیں۔
سب سے پہلے یہ ایوارڈ وزیر اعظم نریندر مودی کو دیا گیا۔ اس کے بعد 2023 میں یہ اعزاز لتا منگیشکر کی بہن آشا بھوسلے کو دیا گیا۔
اے آر رحمن کو یہ اعزاز 24 اپریل کو لتا منگیشکر کے والد اور موسیقی کے لیجنڈ دیناناتھ منگیشکر کے یادگار دن پر دیا گیا ۔
اے آر رحمن نے یادگاری تصویر کے ساتھ سوشل میڈیا پر ایک تصویر شیئر کی اور لکھا،’ دینا ناتھ منگیشکر ایوارڈ پاکر مفتخر محسوس کررہاہوں … میں منگیشکر خاندان کی وراثت اور فن کے لیے ان کی خدمات کی ستائش کرتا“!
اے آر رحمن نے بتایا کہ وہ اپنے خاندان اور بچوں سے منگیشکر خاندان کو دیکھنے کے لیے کہتے ہیں۔ اس خاندان کی لگن خودسپردگی ، لتا، آشا اور ہردیناتھ کی خدمات کو تسلیم کیا جانا چاہیے۔ انہوں نے کہا کہ وہ ہردیناتھ کے بارے میں سب کچھ پسند کرتے ہیں۔
