پوکیمون گو اب ہندی میں

نئی دہلی: پوکیمون کمپنی (ٹی پی سی) نے نیانٹک کے ساتھ مل کر اپنی عالمی سطح پر مقبول موبائل گیمنگ ایپ پوکیمن گو ہندی میں لانچ کرنے کا اعلان کیا ہے۔

کل رات یہاں منعقدہ ایک تقریب میں اس کا اعلان کرتے ہوئے کمپنی نے کہا کہ ہندی ایشیا کی چھٹی اور عالمی سطح پر 15ویں زبان ہے جس میں اس گیم کو مقامی کیا گیا ہے۔ صارف کے تجربے کو مزید بہتر بنانے کے لیے کئی پوکیمون کے نام بھی ہندی میں رکھے گئے ہیں۔

 پوکیمون 1996 میں ایک مشہور ویڈیو گیم اور تفریحی فرنچائزی کے طور پر اپنے آغاز کے بعد سے لوگوں سے جڑ رہا ہے، جسے پوری دنیا میں ہر عمر کے لاکھوں مداح پسند کرتے ہیں۔

ہندوستان میں مسلسل بڑھتی ہوئی پرستار برادری کو ذہن میں رکھتے ہوئے ٹی پی سی نے 800 سے زیادہ پوکیمون کے نام ہندی میں تبدیل کرکے ہندوستانی کھلاڑیوں کے ساتھ اپنی وابستگی کو مضبوط کرنے کا فیصلہ کیا ہے۔

 اس سے پوکیمون ہندوستانی شائقین کے اور بھی قریب ہو جائے گا۔ اب ہر کوئی سرکاری پوکی ڈیکس صفحہ پر نئے ہندی ناموں کو دیکھ سکتا ہے اور جلد ہی پوکیمون سے متعلق تمام معلومات اور تفصیلات ہندی میں تلاش کر سکے گا۔

ہندوستانی پوکیمون گو کمیونٹی کے تجربے کو مزید بڑھانے کے لیے، ٹی پی سی اور نیانٹک نے اب عالمی سطح پر مقبول گیم کو ہندی زبان میں دستیاب کرایا ہے۔ اس دلچسپ ترقی کے ساتھ، کھلاڑی ہندی میں مکمل گیم پلے سے لطف اندوز ہوتے ہوئے پوکیمون گو کی دنیا میں کھو جائیں گے۔

ٹی پی سی کے چیف آپریٹنگ آفیسر تاکاٹو اتسونومیا نے کہا کہ "اپنے آغاز سے لے کر، پوکیمون کی اپیل نسلوں اور ثقافتوں سے آگے نکل گئی ہے، جو اسے کھیل اور دریافت کی خوشی کے ذریعے لوگوں کو اکٹھا کرنے کا ایک عالمی رجحان بناتی ہے۔” ہماری توجہ ہندستان پر ہے۔