کیا آپ بھی واٹس ایپ کی میموری فُل ہوجانے سے پریشان ہیں؟ جانئے یہ آسان طریقہ

حیدرآباد: دنیا بھر میں مقبول میسجنگ ایپ واٹس ایپ کا ایک حیرت انگیز فیچر سامنے آیا ہے، جو صارفین کو خود کے بارے میں ایسی معلومات فراہم کر سکتا ہے جو شاید انہوں نے کبھی غور نہیں کیں۔

 اس فیچر کے ذریعے آپ بآسانی جان سکتے ہیں کہ آپ نے واٹس ایپ پر سب سے زیادہ پیغامات کس کو بھیجے ہیں اور کون سی چیٹ آپ کے فون کی زیادہ میموری استعمال کر رہی ہے۔

واٹس ایپ کو ابتدائی طور پر ایک ایس ایم ایس متبادل کے طور پر متعارف کرایا گیا تھا تاکہ صارفین سم کارڈ کے بغیر بھی پیغامات بھیج سکیں۔ وقت کے ساتھ، یہ ایپلی کیشن میڈیا پیغامات، ٹیکسٹ، تصاویر، ویڈیوز، دستاویزات، اور وائس کالز کا ایک طاقتور پلیٹ فارم بن گئی۔

اکثر صارفین واٹس ایپ کے ان چھپے ہوئے ہیکس سے ناواقف ہوتے ہیں۔ ان میں سے ایک آسان طریقہ یہ ہے کہ آپ جان سکیں کہ آپ نے کس سے سب سے زیادہ بات چیت کی ہے۔ اس کے لیے درج ذیل آسان مراحل کو فالو کریں:

• 1. اپنے موبائل فون پر واٹس ایپ کھولیں۔
• 2. اوپر دائیں کونے میں موجود تین نقطوں (Menu) پر کلک کریں۔
• 3. "سیٹنگز” پر جائیں۔
• 4. "اسٹوریج اینڈ ڈیٹا” کو منتخب کریں۔
• 5. پھر "مینج اسٹوریج” پر کلک کریں۔

یہاں آپ دیکھ سکیں گے کہ کس سے آپ نے سب سے زیادہ پیغامات کا تبادلہ کیا ہے اور کون سی چیٹ آپ کے فون کی زیادہ جگہ استعمال کر رہی ہے۔

یہ بات ذہن میں رہے کہ واٹس ایپ اینڈ ٹو اینڈ انکرپشن کی بدولت صارفین کے پیغامات کو محفوظ رکھتا ہے، اور یہی وجہ ہے کہ دنیا بھر میں 2 ارب سے زائد لوگ اسے روزانہ رابطہ کے لیے استعمال کرتے ہیں۔

 واٹس ایپ 180 سے زائد ممالک میں استعمال ہوتی ہے اور یہ ایک مفت سروس ہے جو انٹرنیٹ کی دستیابی پر باآسانی کام کرتی ہے، اور صارفین کو محفوظ، قابل اعتماد پیغام رسانی اور کالنگ کی سہولت فراہم کرتی ہے۔