تلنگانہ کے وزیر سیول سپلائز کے مکان کے سامنے آشاورکرس کادھرنا

حیدرآباد: تلنگانہ کے وزیر سیول سپلائز جی کملاکر کے ضلع کریم نگر میں واقع مکان کے سامنے آشاورکرس نے دھرنادیا۔

انہوں نے مطالبہ کیا کہ ان کے مسائل کی یکسوئی کی جائے۔انہوں نے اپنے مطالبات کی حمایت میں نعرے بازی کی اور وزیرموصوف سے خواہش کی کہ وہ گھر سے باہر نکل کر ان کے مسائل کی سماعت کریں۔

یہ آشاورکرس اپنے مسائل کے سلسلہ میں گذشتہ چند دنوں سے احتجاج کررہے تھے۔

اس موقع پر وزیرموصوف کے مکان کے سامنے ہلکی سی کشیدگی پھیل گئی۔پولیس اور سیکوریٹی عملہ نے ان ورکرس کو وزیرموصوف کے مکان میں داخل ہونے سے روک دیا۔