شہرحیدرآباد میں دمہ کے مریضوں کو 8 جون کو مچھلی کی دوائی کھلائی جائے گی

حیدرآباد: مرگ کے موقع پر شہرحیدرآباد میں دمہ کے مریضوں کو 8جون کو مچھلی کی دوائی کھلائی جائے گی۔

نامپلی نمائش گراؤنڈ میں باتھنی گوڑ خاندان کے ارکان یہ دوا تقسیم کریں گے جس کے لیے ریاست کے مختلف حصوں کے ساتھ ساتھ ملک کے مختلف مقامات سے دمہ کے مریض حیدرآباد آتے ہیں۔

حکام نے اس سلسلہ میں تمام انتظامات مکمل کر لیے ہیں۔ قطاریں، بیریکیڈس اور سی سی ٹی وی کیمرے بھی نصب کیے گئے ہیں۔

گزشتہ 173برسوں سے باتھنی گوڑ خاندان کی جانب سے دمہ کے مریضوں کو مچھلی میں دوا، مرگ کے موقع پر کھلائی جارہی ہے۔

تلنگانہ حکومت کے تمام محکمہ جات تال میل کے ذریعہ اس پروگرام کو کامیاب بنانے کے اقدامات کررہے ہیں۔

اس دوا کیلئے آنے والے مریضوں کو کسی بھی قسم کی تکالیف کا سامنا نہ کرنا پڑے اس کے لئے مناسب انتظامات کئے جارہے ہیں اور تمام احتیاطی اقدامات کئے جارہے ہیں۔

اس دوا کے لئے آنے والوں کے لئے مچھلی کے چھوٹے بچے فراہم کئے جائیں گے۔ نمائش گراونڈمیں ہر سال کی طرح اس سال یہ دوا کھلائی جائے گی۔بعدا زاں باتھنی گوڑخاندان کے مکان پر ان کے اراکین خاندان بھی یہ دوا کھلائیں گے۔