عابڈز کے ڈگری کالج میں طالبہ کا زبردستی برقعہ اتارنے کی کوشش‘انتظامیہ کی معذرت خواہی

حیدرآباد: اسٹینلی ڈگری کالج عابڈز میں ایک مسلم طالبہ کو زبردستی برقعہ اتارکر امتحان میں شرکت کے لئے دباؤ ڈالا گیا۔ کالج انتظامیہ کے نازیبا رویہ کے خلاف طالبات نے احتجاج کیا۔

اطلاع ملنے پر مجلس کے رکن کونسل رحمت بیگ وہاں پہنچ گئے اور کالج کے پرنسپل‘منیجر ودیگر اسٹاف اور طالبات سے بات چیت کی۔

منیجر کالج نے اس واقعہ کی تحقیق کرنے کے بعد غلطی کا ا عتراف کیا اور معذرت خواہی کی اور آئندہ اس طرح کے واقعہ کا اعادہ نہ کرنے کا تیقن دیا۔

رحمت بیگ نے میڈیا کو بتایا کہ اس واقعہ کی اطلاع ملتے ہی صدر مجلس نے اس واقعہ کا جائزہ لینے انہیں یہاں بھیجا تھا۔ تاہم کالج انتظامیہ نے غلطی کا اعتراف کرتے ہوئے معذرت خواہی کرلی ہے۔ چنانچہ اب اس مسئلہ کو رفع دفع کیا جاتا ہے۔