مخرب اخلاق رقص،160نوجوان لڑکیاں پکڑی گئیں، برقعہ پوش لڑکیاں بھی شامل (ویڈیو وائرل)

حیدرآباد:شہرحیدرآباد کے بنجاراہلز میں ”آفٹرنائن کلب“پرپولیس نے چھاپہ مارا۔اس کلب کے آرگنائزرس دوسری ریاستوں کی نوجوان لڑکیوں کو اس کلب میں لایاکرتے تھے۔گاہکوں کو راغب کرنے کیلئے نوجوان لڑکیوں کے ذریعہ مخرب اخلاق رقص کروایا جاتا تھا۔

یہ کلب قواعد کی خلاف ورزی کرتے ہوئے چلایاجارہا تھا۔ویسٹ زون ٹاسک فورس پولیس نے ایک اطلاع پر یہ چھاپہ کل رات مارااور160نوجوان لڑکیوں کو پکڑلیا۔یہ کلب،انتخابی ضابطہ اخلاق کے نفاذکے باوجود رات دیرگئے تک چلایاجارہا تھا۔

ان نوجوان لڑکیوں کو مزید کارروائی کیلئے بنجاراہلز پولیس کے حوالے کردیاگیا۔بنجاراہلز پولیس نے اس سلسلہ میں ایک معاملہ درج کرکے جانچ شروع کردی۔