دھوکہ بازوں سے ہوشیاررہیں، سی ڈبلیوسی مطلب کرپٹ ورکنگ کمیٹی،حیدرآباد میں پوسٹرس

حیدرآباد: شہرحیدرآباد جہاں پر آج سے کانگریس ورکنگ کمیٹی کے دوروزہ اجلاس کا آغازہورہا ہے میں انوکھے قسم کے پوسٹرس لگائے گئے ہیں جو مرکز توجہ بنے ہوئے ہیں۔

ریاستی دارالحکومت کے اہم چوراہوں پر پوسٹرس لگائے گئے تھے جس میں لکھا گیا ہے کہ سی ڈبلیو سی کانگریس ورکنگ کمیٹی نہیں ہے بلکہ کرپٹ ورکنگ کمیٹی ہے۔

کانگریس کے قومی صدر ملکارجن کھرگے، سابق وزیر اعظم منموہن سنگھ، سونیا گاندھی، راہل گاندھی، پرینکا گاندھی اور کانگریس ورکنگ کمیٹی کے تمام 24 اراکین کی تصاویر لگاتے ہوئے ان کی تصاویر کے نیچے گھوٹالوں کے نام لکھے گئے ہیں۔

ساتھ ہی نیچے گھپلے کرنے والوں سے ہوشیار لکھاگیا ہے۔