جنوبی بھارت
بی جے پی حلیف اے آئی اے ڈی ایم کے‘ یکساں سیول کوڈ کی مخالف
تو اے آئی اے ڈی ایم کے صدر کے پلانی سوامی نے کہا کہ ہمارا موقف 2019کے لوک سبھا الیکشن کے لئے جاری پارٹی منشور میں پہلے ہی واضح ہوچکا ہے۔
چینائی: بھارتیہ جنتا پارٹی(بی جے پی) کی جنوبی حلیف آل انڈیا انا ڈی ایم کے (اے آئی اے ڈی ایم کے) نے چہارشنبہ کے دن یکساں سیول کوڈ کے خلاف اپنا موقف دہرایا۔
میڈیا نمائندوں نے جب بی جے پی کی طرف سے یکساں سیول کوڈ پرزور دیئے جانے اور ان کی پارٹی کے موقف کے بارے میں سوال کیا تو اے آئی اے ڈی ایم کے صدر کے پلانی سوامی نے کہا کہ ہمارا موقف 2019کے لوک سبھا الیکشن کے لئے جاری پارٹی منشور میں پہلے ہی واضح ہوچکا ہے۔
ہمارا منشور پڑھ لیجئے‘ ہم نے اس کا واضح ذکر کردیا ہے۔ پارٹی نے 2019 کے منشور میں کہا تھا کہ اے آئی اے ڈی ایم کے‘ حکومت ِ ہند سے گزارش کرے گی کہ یکساں سیول کوڈ کے لئے دستور میں کوئی ترمیم نہ کی جائے کیونکہ یہ ملک میں اقلیتوں کے مذہبی حقوق پر منفی اثرانداز ہوگا۔
ہمیں فالو کریں
