سدرشن ریڈی کی لالوپرساد یادو سے ملاقات پر بی جے پی کی تنقید

نئی دہلی (آئی اے این ایس) بی جے پی نے پیر کے دن اپوزیشن کے امیدوارِ نائب صدر جمہوریہ جسٹس بی سدرشن ریڈی کو کروڑہا روپیوں کے چارہ اسکام کے خاطی آر جے ڈی سربراہ لالوپرساد یادو سے ملاقات پر جم کر نشانہ تنقید بنایا۔

پریس کانفرنس سے خطاب میں بی جے پی ترجمان روی شنکر پرساد نے پوچھا کہ سپریم کورٹ کے سابق جج نے ایک سزا یافتہ قائد سے ساز باز کیوں کی۔ وہ اِس سے کیا پیام دینا چاہتے ہیں؟۔

دونوں کی ملاقات کو پرلے درجہ کی منافقت قرار دیتے ہوئے انہوں نے اپوزیشن کے امیدوارِ نائب صدرجمہوریہ سے کہا کہ وہ ضمیر کی دہائی نہ دیں کیونکہ انہوں نے اخلاقیات کی دھجیاں اڑادی ہیں۔

روی شنکر پرساد نے کہا کہ چارہ اسکام خاطی سے جسٹس ریڈی کی ملاقات قابل مذمت ہے اور سخت الفاظ میں اس کی مذمت کی جانی چاہئے۔

🚨 BIG! BJP slams Oppn’s candidate, Retired Supreme Court Judge Sudershan Reddy

“What kind of RETIRED judge are you — talking of SAVING the nation’s soul while meeting FODDER SCAM convict Lalu Yadav?”

“This is HYPOCRISY.” pic.twitter.com/eYMeRrXoZ5

— Megh Updates 🚨™ (@MeghUpdates) September 8, 2025

ایکس پر تصاویر شیئر کرتے ہوئے بی جے پی قائد امیت مالویہ نے کہا کہ بی سدرشن ریڈی نے حال میں لالوپرساد یادو سے ملاقات کی جو رکن پارلیمنٹ تک نہیں ہیں۔ وہ نائب صدرجمہوریہ کے الیکشن میں ووٹ نہیں ڈال سکتے۔