بی جے پی کی رکنیت سازی مہم: پرانے شہر میں ایک لاکھ افراد کو رکن بنانے کا ارادہ

حیدرآباد: حلقہ اسمبلی چارمینار میں بی جے پی کی رکنیت سازی کی مہم کا آغاز ریاستی کنوینر این رام چندر راؤ نے کیا، جس کا مقصد اقلیتی طبقات کے افراد کو ممبرشپ کارڈ جاری کرنا ہے۔ اس اقدام کا مقصد جاریہ رکنیت سازی کی تجدید اور نئے ارکان کی بھرتی ہے۔

اس موقع پر بی جے پی کے سینئر لیڈر میرفراست علی باقری نے خطاب کرتے ہوئے کہا کہ بی جے پی واحد جماعت ہے جو اپنے دستور کے مطابق جمہوری اصولوں پر عمل پیرا ہے اور عوام کی توقعات اور خواہشات کو پورا کرنے کے لیے کوشاں ہے۔

انہوں نے بتایا کہ پرانے شہر میں اقلیتی طبقات کے ایک لاکھ افراد کو بی جے پی کا رکن بنانے کا ہدف مقرر کیا گیا ہے۔

کنوینر بی جے پی حیدرآباد کے دیگر قائدین جیسے گیتامورتی، الکامنوج، چندنا جین، پراچی جین، سردارجگدیش سنگھ، جگموہن سنگھ، گرو چرن سنگھ، دیانت علی خان، ایس پروین کمار، آرسریدھریادو، عباس رضا خان نے گلشن باقری، دارالشفاء کالونی میں منعقدہ رکنیت سازی مہم میں شرکت کی۔