مسلمانوں کیلئے 10فیصد ریزرویشن بی جے پی کبھی قبول نہیں کرے گی: رام چندر راؤ کا بیان

حیدرآباد: تلنگانہ بی جے پی کے صدر این رام چندر راؤ، جو ریاست کے ”گھر گھر بی جے پی” کے دورے پر ہیں، نے کانگریس پر الزام لگایا کہ وہ بی سی برادریوں کو دھوکہ دینے کے لیے ”دھوکہ دہی کے حربے” استعمال کر رہی ہے۔ وہ پیڈا پلی میں خطاب کررہے تھے۔

رامچندر راؤ نے کہا کہ بی جے پی نے تلنگانہ قانون ساز اسمبلی میں کانگریس حکومت کی طرف سے پیش کردہ 42 فیصدریزرویشن بل کی غیر مشروط طور پر حمایت کی تھی، لیکن اب، کانگریس پارٹی مسلمانوں کو 42فیصد میں سے 10 فیصدریزرویشن دینے کی کوشش کر رہی ہے، جسے بی جے پی قبول نہیں کرے گی۔انہوں نے کہا کہ ”بی جے پی نے ہمیشہ مذہب کی بنیاد پر ریزرویشن کی مخالفت کی ہے۔

” انہوں نے مزید کہا کہ اگر 10 فیصدمسلمانوں کو جاتا ہے تو ”اصل بی سی اپنے حقوق سے محروم ہو جائیں گے اور انہیں صرف 32فیصد ریزرویشن ملے گا۔”انہوں نے یہ بھی کہا کہ تلنگانہ کے لوگ اب بی آر ایس کے ”بدعنوان حکمرانی” اور کانگریس کے ”عوام دشمن طرز حکمرانی” کے تجربے کی وجہ سے بی جے پی کو موقع دینا چاہتے ہیں۔

انہوں نے کہا کہ بی جے پی پوری ریاست میں اپنی بنیاد کو مسلسل بڑھا رہی ہے۔ریونتھ ریڈی حکومت کو مزید نشانہ بناتے ہوئے، ریاستی بی جے پی سربراہ نے پوچھا کہ انہوں نے پچھلے 19 مہینوں کے دوران بی سی کی فلاح و بہبود کے لیے کیا کیا؟۔

راؤ نے چیف منسٹر ریڈی پر جنتر منتر پر احتجاج منظم کرکے دہلی میں ڈرامہ رچانے کا الزام لگایا۔ انہوں نے کہا کہ ریونت ریڈی کی حکومت بی سی کو 42فیصد ریزرویشن دینے میں ناکام ہو رہی ہے اور اس ناکامی کا سہرا مرکزی حکومت پر ڈالنا چاہتی ہے۔