حیدرآباد
شادی سے ایک دن پہلے دلہن کو دھوکہ، دولہا دوسری لڑکی کے ساتھ فرار
یہ خبر ملتے ہی دلہن کے ارکان خاندان انصاف کے لئے پولیس اسٹیشن پہنچ گئے۔ ان کا الزام ہے کہ دلہا اور اس کے والدین مکان کو تالہ لگا کر فرار ہو گئے ہیں۔ متاثرہ خاندان نے پولیس سے مطالبہ کیا ہے کہ انہیں انصاف فراہم کیا جائے۔
حیدرآباد: شادی سے ایک دن پہلے دلہن کو دھوکہ دیتے ہوئے دلہا دوسری لڑکی کے ساتھ فرارہوگیا۔یہ انوکھاواقعہ تلنگانہ کے کریم نگرضلع کے رنگا پور گاؤں میں یش آیا۔
تفصیلات کے مطابق، رنگا پور سے تعلق رکھنے والے مدھوکر ریڈی حیدرآباد میں ایک سافٹ ویئر انجینئر کے طور پر کام کرتا ہے۔
اس کی شادی اسی منڈل کی ایک لڑکی سے طے پائی تھی اور گذشتہ روزشادی کی تقریب ایک شادی خانہ میں انجام پانے والی تھی لیکن حیران کن طور پر مدھوکر ریڈی نے کل ہی ایک اور لڑکی سے شادی کرلی اور اس شادی کی تصاویر دلہن کے گھر والوں کو ارسال کر دی۔
یہ خبر ملتے ہی دلہن کے ارکان خاندان انصاف کے لئے پولیس اسٹیشن پہنچ گئے۔ ان کا الزام ہے کہ دلہا اور اس کے والدین مکان کو تالہ لگا کر فرار ہو گئے ہیں۔ متاثرہ خاندان نے پولیس سے مطالبہ کیا ہے کہ انہیں انصاف فراہم کیا جائے۔
ہمیں فالو کریں
