بی آرایس لیڈر کا اغوا کرلیا گیا

حیدرآباد: تلنگنہ کے نرمل ضلع میں مامڑ منڈل کے سابق ایم پی پی، ضلعی مرکزی کوآپریٹو بینک کے ڈائریکٹر اور بی آر ایس کے لیڈر ہریش کمار کو نامعلوم افراد نے اغوا کر لیا۔

ہفتہ کی آدھی رات تقریباً 2 بجے کے وقت، چند افراد ایک کار میں ہریش کی رہائش گاہ پہنچے اور انہیں زبردستی ساتھ لے گئے۔

تاہم، میدک ضلع کے توپران ٹول گیٹ کے قریب موقع دیکھ کر ہریش چالاکی سے فرار ہونے میں کامیاب رہے اور فوری طور پر پولیس کی پناہ لی۔

توپران پولیس نے اس واقعہ کی اطلاع مامڑ پولیس کو دے دی ہے۔ ہریش کو نرمل منتقل کردیاگیا۔