بی آر ایس کا پارٹی فنڈ بڑھ کر1250 کروڑ روپے ہوا

حیدرآباد: بھارت راشٹرا سمیتی (بی آر ایس) کا پارٹی فنڈ بڑھ کر 1250 کروڑ روپے ہو گیا ہے۔

بی آر ایس سپریمو اور تلنگانہ کے وزیراعلیٰ کے چندر شیکھر راؤ نے یہ اطلاع دی۔

انہوں نے بتایا کہ پارٹی نے بینک میں 767 کروڑ روپے جمع کئے ہیں اور ہر ماہ سود کے طور پر 7 کروڑ روپے حاصل کئے ہیں۔

اس کے علاوہ پارٹی آپریشنز، اضلاع میں پارٹی دفاتر کی تعمیر، انتخابی مہم اور انفراسٹرکچر پر خرچ کیا جا رہا ہے۔

بی آر ایس ذرائع کے مطابق جمعرات کو یہاں پارٹی کے یوم تاسیس کی تقریبات کے موقع پر مالی معاملات سے متعلق ایک قرارداد منظور کی گئی جس کی نگرانی پارٹی صدر کریں گے۔

اس کے ساتھ دیگر ریاستوں میں کھاتہ کھولنے، پارٹی کی مہم کے لیے ملک بھر میں میڈیا دفاتر کے قیام جیسی قراردادیں بھی پاس کی گئیں۔

انہوں نے بتایا کہ آئندہ 4 مئی کو قومی راجدھانی میں بی آر ایس دفتر کا افتتاح کیا جائے گا۔