حیدرآباد
رام مندر کی افتتاحی تقریب کے دن تعطیل کا اعلان کرنے بنڈی سنجے کا مطالبہ
بنڈی سنجے نے کہا کہ اگر کانگریس قائدین چاہیں تو ہم انہیں باسمتی چاول بھیجنے کیلئے بھی تیار ہیں۔ بنڈی سنجے نے حکومت سے ہندو عوام کے جذبات کا احترام کرتے ہوئے22 جنوری کو تعطیل کا اعلان کرنے کی اپیل کی۔
حیدرآباد: بی جے پی کے قومی جنرل سکریٹری ورکن پارلیمنٹ کریم نگر بنڈی سنجے کمار نے ریاستی حکومت سے 22جنوری کو عام تعطیل کا اعلان کرنے کا مطالبہ کیا۔
آج یہاں صحافیوں سے بات چیت کرتے ہوئے انہوں نے کہا کہ رام مندر کی تعمیر میں تلنگانہ عوام کا بڑا حصہ رہا ہے اور ایودھیا میں رام مندر کی تعمیر کے بعد مورتیوں کو رکھنے کی تقریب میں عوام کو رضا کارانہ طور پر شرکت کرنے کا موقع ملنا چاہئے۔
چند لوگوں کی جانب سے مورتیوں کا راشن کے چاول سے تقابل کرنے پر افسوس ظاہر کرتے ہوئے انہوں نے کہا کہ مذہبی تقریب پر سیاست کرنا نامناسب ہے۔
انہوں نے کہا کہ اگر کانگریس قائدین چاہیں تو ہم انہیں باسمتی چاول بھیجنے کیلئے بھی تیار ہیں۔ بنڈی سنجے نے حکومت سے ہندو عوام کے جذبات کا احترام کرتے ہوئے22 جنوری کو تعطیل کا اعلان کرنے کی اپیل کی۔
ہمیں فالو کریں
