بس اور ٹرالے کی ٹکر، ایک کی موت، چار زخمی

کھرگون: مدھیہ پردیش کے کھرگون ضلع کے مین گاؤں تھانہ علاقے میں آج بس اور ٹرالے کے درمیان ہونے والی ٹکر میں ٹرالے کے ڈرائیور کی موت اور چار دیگر زخمی ہو گئے۔

پولیس سپرنٹنڈنٹ دھرم راج مینا نے بتایا کہ کھرگون سے اندور جانے والی چارٹرڈ مسافر بس نمگل کے قریب سامنے سے آنے والے ٹرالے سے ٹکرا گئی۔

واقعے کے نتیجے میں بس میں سوار چار مسافر اور ٹرالے ڈرائیور زخمی ہوگئے۔

ٹریلر ڈرائیور اسٹیئرنگ میں پھنس کر بے ہوش ہوگیا، اسے کسی طرح باہر نکالا گیا۔

انہوں نے بتایا کہ پانچوں زخمیوں کو ضلع اسپتال میں داخل کرایا گیا، جہاں راج گڑھ ضلع کے کھجوری کے رہنے والے 42 سالہ ٹریلر ڈرائیور نارائن کی علاج کے دوران موت ہو گئی۔

انہوں نے کہا کہ متاثر ہونے والے ٹریفک کو ہموار کیا جا رہا ہے۔ ٹرالے پر لوہے کا رول لدا ہوا تھا۔