تلنگانہ کے جنگاوں میں بس،ٹفن سنٹر میں گھس پڑی۔تین افراد ہلاک

حیدرآباد: تلنگانہ کے جنگاوں میں پیش آئے سڑک حادثہ میں تین افرادہلاک اوربعض دیگرزخمی ہوگئے۔

یہ حادثہ پیر کو ضلع کے رگھوناتھ پلی علاقہ میں اُس وقت پیش آیا جب آرٹی سی بس کے ڈرائیور نے اس کا توازن کھودیااور یہ بس موبائل ٹفن سنٹر میں گھس پڑی۔

اطلاعات کے مطابق آرٹی سی گروڈابس حیدرآباد سے آرہی تھی۔

بس کی تیزرفتاری کی وجہ سے اس کے ڈرائیور نے اس کا توازن کھودیااور یہ بس ٹفن سنٹرمیں گھس پڑی جس کے نتیجہ میں ٹفن سنٹر کے تین ورکرس موقع پر ہی ہلاک ہوگئے اوربعض دیگر زخمی ہوگئے۔

زخمیوں کو علاج کے لئے جنگاوں کے سرکاری اسپتال منتقل کردیاگیا۔