حالت نشہ میں گاڑیاں چلانے والوں کیخلاف مہم،آدھے گھنٹے میں کئی مقدمات درج

حیدرآباد: تلنگانہ کے جیڈی مٹلہ میں پولیس نے کل شب حالت نشہ میں گاڑیاں چلانے والوں کے خلاف مہم چلائی۔کمشنر پولیس سائبرآباد کی ہدایت پر بالا نگر اے سی پی چندر شیکھر، بالا نگر اور جیڈی مٹلہ ٹریفک پولیس نے مشترکہ طور پر تین ایس آئی اور 40 کانسٹلس کی مدد سے شاہ پور نگر علاقہ میں تین مقامات پر بڑے پیمانہ پر یہ مہم چلائی۔

ٹریفک پولیس نے صرف آدھے گھنٹے میں 32 بائیکس سواروں کے خلاف مقدمات درج کیے۔ پولیس نے کہاکہ قبل ازیں اسی طرح کی مہم کے دوران حالت نشہ میں پکڑے گئے افراد کو جیل کی سزا ہوئی تھی تاہم جیل کی سزا کے باوجود بھی کئی افرا دمیں تبدیلی نہیں آئی۔ پولیس نے کہا کہ جلد ہی ایک بیداری پروگرام چلایاجائے گا۔