امریکہ کے نیو اورلینز میں گاڑی مجمع پر چڑھا دی گئی، 10 ہلاک (ویڈیو)

واشنگٹن: نیو اورلینز کے علاقے فرینچ کوارٹر میں چہارشنبہ کی صبح پیش آنے والے واقعے میں 10 افراد ہلاک اور 30 زخمی ہو گئے ہیں۔

ایک سرکاری عہدے دار نے نام ظاہر نہ کرنے کی شرط پر خبر رساں ادارے ’ایسوسی ایٹڈ پریس‘کو بتایا کہ مشتبہ شخص نے گاڑی مجمع پر چڑھا دی تھی۔حکام کا کہنا ہے کہ پولیس کے ساتھ فائرنگ کے تبادلے میں مشتبہ شخص بھی ہلاک ہو گیا ہے۔

یہ واقعہ نیو اورلینز میں نئے سال کے جشن کے اختتام اور کالج فٹ بال کے بڑے ٹورنامنٹ کا کوارٹر فائنل شروع ہونے سے چند گھنٹے پہلے پیش آیا۔

واقعے سے آگاہ ایک سرکاری عہدے دار نے نام ظاہر نہ کرنے کی شرط پر’ایسوسی ایٹڈ پریس‘ کو تفصیلات سے آگاہ کیا۔چہارشنبہ کو ریاست لوئزیانا کے شہر نیو اورلینز کے مرکزی علاقے فرینچ کوارٹر میں یہ واقعہ نئے سال کے پہلے دن مقامی وقت کے مطابق صبح سویرے پیش آیا جس میں 10 افراد ہلاک اور 30 زخمی ہوئے ہیں۔

حکام واقعہ کی تفتیش سے متعلق براہ راست تبصرے کے مجاز نہیں ہیں اس لیے انہوں نے ایسوسی ایٹڈ پریس سے شناخت ظاہر نہ کرنے کی شرط پر بات کی ہے۔’ایسوسی ایٹد پریس‘ کے مطابق حکام نے بتایا ہے کہ مشتبہ شخص نے چہارشنبہ کو علی الصباح تقریباً سوا تین بجے فرینچ کوارٹر میں بربن اسٹریٹ میں جمع ہونے والے ہجوم پر گاڑی چڑھا دی تھی۔

بربن اسٹریٹ نیو ایئر کے جشن منانے کے حوالے سے معروف مقامات میں شمار ہوتی ہے۔یہ واقعہ نیو اورلینز میں نئے سال کے جشن کے اختتام اور کالج فٹ بال کے بڑے ٹورنامنٹ کا کوارٹر فائنل شروع ہونے سے چند گھنٹے پہلے پیش آیا ہے جس میں ہزاروں افراد کی شرکت متوقع ہے۔