مندر میں درشن سے واپسی کے دوران کارالٹ گئی۔انفوسس ملازمہ ہلاک اوردیگر سات زخمی

حیدرآباد: شہرحیدرآباد کے پداعنبرپیٹ کی آوٹررنگ روڈ پرپیش آئے سڑک حادثہ میں انفوسس کمپنی کی ایک ملازمہ ہلاک ہوگئی جبکہ اسی کمپنی کے 7ملازمین زخمی ہوگئے۔

یہ حادثہ اُس وقت پیش آیا جب کار چلانے والے نے اس کا توازن کھودیا اوریہ کارالٹ گئی۔یہ افراد مندر میں درشن کے بعد واپس ہورہے تھے کہ کل شب یہ حادثہ پیش آیا۔

مہلوک لڑکی کی شناخت سومیا ریڈی کے طورپر کی گئی ہے۔حادثہ کا مقام دلخراش منظرپیش کررہاتھا۔حادثہ میں کار کو شدیدنقصان پہنچا۔

اطلاع ملتے ہی پولیس وہاں پہنچی جس نے لاش کو پوسٹ مارٹم کے لئے بھیج دیااور اس سلسلہ میں ایک معاملہ درج کرکے جانچ شروع کردی۔پولیس نے شبہ ظاہر کیا کہ تیزرفتاری کے سبب کار چلانے والے نے اسٹیرنگ پرسے توازن کھودیا۔