چندر بابو نائیڈو کی ٹیم انڈیا کو مبارکباد
آندھرا پردیش کے وزیر اعلیٰ این چندر بابو نائیڈو نے ٹی۔20 ورلڈ کپ کے اہم میچ میں روایتی حریف پاکستان کے خلاف شاندار کامیابی حاصل کرنے پر ٹیم انڈیا کو مبارکباد پیش کی ہے۔
حیدرآباد: آندھرا پردیش کے وزیر اعلیٰ این چندر بابو نائیڈو نے ٹی۔20 ورلڈ کپ کے اہم میچ میں روایتی حریف پاکستان کے خلاف شاندار کامیابی حاصل کرنے پر ٹیم انڈیا کو مبارکباد پیش کی ہے۔
اتوار کو کولمبو میں کھیلے گئے اس میچ میں ہندوستان کی جیت پر مسرت کا اظہار کرتے ہوئے انہوں نے کھلاڑیوں کی کارکردگی کی ستائش کی۔
وزیر اعلیٰ نے ایکس پر اپنے تہنیتی پیغام میں خاص طور پر نوجوان بلے باز ایشان کشن کی ستائش کی، جن کی جارحانہ بیٹنگ نے ہندوستان کی جیت میں کلیدی کردار ادا کیا۔
چندر بابو نائیڈو نے لکھا”آئی سی سی ٹی۔20 ورلڈ کپ میں پاکستان کے خلاف شاندار جیت پر ٹیم انڈیا کو بہت بہت مبارک ہو۔ ایشان کشن کی بلے بازی لاجواب تھی۔
میری خواہش ہے کہ ہندوستانی ٹیم ٹورنامنٹ کے بقیہ میچوں میں بھی اسی تسلسل اور جوش و خروش کو برقرار رکھے۔ ٹیم انڈیا کے لئے میری نیک تمنائیں ساتھ ہیں۔“
