درجہ حرارت میں اضافہ کا سلسلہ شروع

حیدرآباد: تلنگانہ میں گزشتہ تین ماہ سے جاری سردی کی لہر کے خاتمہ کے ساتھ ہی اقل ترین اور اعظم ترین درجہ حرارت میں اضافہ کا سلسلہ شروع ہو گیا ہے۔

ہندوستانی محکمہ موسمیات حیدرآباد کے مطابق ریاست کے تمام حصوں میں مطلع صاف رہنے اور درجہ حرارت میں مسلسل اضافہ کے آثار ہیں جو کہ خشک اور طویل موسم گرما کے آغاز کی نشاندہی کر رہے ہیں۔

ریاستی محکمہ موسمیات کی جانب سے پیر کو جاری کردہ ہفتہ بھر کی پیش گوئی میں بتایا گیا ہے کہ تلنگانہ میں اب موسم گرما جیسی صورتحال پیدا ہو رہی ہے جہاں خشک موسم رہے گا ۔

پیش قیاسی کے مطابق دن کے وقت زیادہ سے زیادہ درجہ حرارت 33 سے 34 ڈگری کے درمیان رہنے کا امکان ہے جبکہ رات کا کم سے کم درجہ حرارت 18 سے 19 ڈگری تک رہے گا۔

اگرچہ کہ صبح کے وقت ہلکی کہر کی صورتحال ہو سکتی ہے لیکن دوپہر کے وقت موسم کافی خشک اور دھوپ والا رہے گا۔