پٹرول اور ڈیزل کی قیمتوں میں کوئی تبدیلی

نئی دہلی: بین الاقوامی سطح پر خام تیل کی قیمتوں میں کمی کے باوجود، ملکی سطح پر آج پٹرول اور ڈیزل کی قیمتوں میں کوئی تبدیلی نہیں ہوئی، جس کی وجہ سے دہلی میں پٹرول 94.72 روپے فی لیٹر اور ڈیزل 87.62 روپے فی لیٹر پر برقرار رہا۔

تیل کی مارکیٹنگ کی ایک بڑی کمپنی ہندوستان پیٹرولیم کارپوریشن کی ویب سائٹ پر جاری کردہ نرخوں کے مطابق آج ملک میں پیٹرول اور ڈیزل کی قیمتوں میں کوئی تبدیلی نہیں ہوئی ہے۔

دہلی میں ان کی قیمتیں یکساں رہنے کے ساتھ، ممبئی میں پٹرول 104.21 روپے فی لیٹر اور ڈیزل 92.15 روپے فی لیٹر رہا۔

عالمی سطح پر، ہفتے کے اختتام پر امریکی خام تیل کی قیمت 0.55 فیصد کم ہوکر 70.19 ڈالر فی بیرل پر آگئی، جبکہ لندن برینٹ خام تیل 0.53 فیصد کی کمی کے ساتھ 73.00 ڈالر فی بیرل پر پہنچ گیا۔

ملک کے چار بڑے شہروں میں پٹرول اور ڈیزل کی قیمتیں درج ذیل ہیں:

شہر………………….پٹرول………………ڈیزل (روپے فی لیٹر)

دہلی…………………94.72………………87.62

ممبئی……………….104.21…………….92.15

چنئی…………………100.75…………….92.34

کولکتہ……………..103.94…………….90.76